Friday, 30 September 2016

రిజర్వేషన్ లు అంటే ఆగ్రహం వెలిబుచ్చే వారంతా "రెండో రకం మెదడు " వారేనా ??!!!


                                                                         

                                   
                                 ఈ  దేశం లో రిజర్వేషన్ సిస్టం మీద కారాలు మిరియాలు నూరేవారు , ఈ  మద్య ఎక్కువుగా సోషల్ మీడియాలలో హల్  చల్ చేస్తున్నారు. కుల ప్రాతిపదిక న రిజర్వేషన్ లు వద్దని , ఆర్దిక ప్రాతిపదిక న రిజర్వేషన్ లు అమలు చేయాలని ఒక విచిత్ర వాదాన్ని వారు ముందుకు తెస్తున్నారు. మన తెలుగు రాష్ట్రాల్లో ఆర్దిక ప్రాతిపదిక పరంగా ఆర్దికంగా విద్యార్దులకు సహాయం చేస్తూనే ఉన్నాయి ప్రభుత్వాలు. కాని ఇది చాలదు అని ఉద్యోగాలలో కూడా ఆర్దిక ప్రాతిపదిక మీదే రిజర్వేషన్లు కల్పించాలని అడ్డగోలు వాదం చేయడమే కొంచం ఆశ్చర్యాన్ని కలుగ చేస్తుంది. ఈ  విషయం లో రాజకీయ నాయకులు మౌనంగా ఉండి తమాషా చూస్తున్నారు. ఎందుకంటే ఒక్క సారి రిజర్వేషన్ ల తుట్టె ను కదిపితే ఏమి జరుగుతుందో వారికి బాగా తెలుసు. అందుకే కొంతమంది పిల్లలను రెచ్చగొట్టి , వారిని ముందు పెట్టి వీరు తెర వెనుక బాగోతం నడుపుతున్నట్లు అనుమానంగా ఉంది.  ఒకే సామాజిక వర్గానికి చెందిన వారు ఈ విషయం మీద ఎక్కువుగా స్పందిస్తున్న తీరు చూస్తుంటె , వారి వెనుక ఉన్న వర్గాల స్వబావం తెలుసుకోలేనంత మూర్కులు కారు, మెజార్టీ  రిజర్వేషన్ అనుకూల వర్గాల వారు.

                            ఉద్యోగ  గ్యారంటి అనేది భారతీయ పౌరులకు ప్రాదమిక హక్కుగా ఉంటే అసలు రిజర్వేషన్ లు గురించి ఇంత గొడవ ఉండకపోవునేమో . కానీ అత్యదిక జనాబా కలిగిన ఈ  దేశం లో అది సాద్యం కాదని బావించిన , స్వతంత్ర భారత తొలి తరం మేదావులు , పౌరులకు రిజర్వేషన్ పద్దతిని ప్రవేశపెట్టి , వెనుకబడిన ప్రజలను పోటి ప్రపంచం లో నిలదొక్కుకునేటట్లు చేయడానికి ప్రయత్నించారు. అసలు రిజర్వేషన్ లు ఏ ప్రాతిపదిక మీద ఇవ్వాలి అన్న దానికి కూడా అంతులేని మేదో మదనం జరిగాకే చివరకు ఆర్దిక వెనుకబాటు తనం రిజర్వేషన్ కు ప్రాతిపదికగా పనికి రాదనీ , సామాజిక వెనుకబాటుతనమే గీటు  రాయి కావాలని తేల్చారు. అంతే  కాని ఇప్పటి రిజర్వేషన్ వ్యతిరేక వర్గాల వారు అనుకుంటున్నట్లు ఏ మాత్రం ఆలోచన చేయకుండా అడ్డగోలుగా ఇచ్చినవి కావు రిజర్వేషన్ లు. ఒక నిరుపేదను నిముషం లో కోటిశ్వరుడిని చేయవచ్చు, ఒక కోటి రూపాయల చెక్ మీద చిన్న సంతకం చేయడం ద్వారా . కాని ఒక వెనుకబడిన మెదడును మేదావి మెదడుగా మార్చాలి అంటె తరాల కాలం పడుతుంది. అందుకు బలమైన రుజువునిచ్చే సాక్ష్యాన్ని తమ పరిశోదనల  ద్వారా  రుజువు చేసారు , లండన్ లోని ఆక్స్పర్డ్ విశ్వవిద్యాలయ శాస్త్రజ్ణులు . పై చిత్రం లోని విషయం దానికి సంబందించిందే . 


                            కాబట్టి సామాజిక వెనుకబాటు అంటె , మేదో  పరంగా వెనుకబాటు అని అర్దం చేసుకోవాలి . సామజిక వెనుక బాటు తనానికి , మనదేశం లో అనాదిగా ఉన్న అణగారిన "కులాలు " ప్రాతిపదికగా చేసారు . ఇది చాలావరకు కరెక్టే . కాని అగ్రవర్ణాలలో కూడా మేదో  పరంగా అభివృద్ధి చెందని వారు ఉన్నారు. వారి వారి సామాజిక నేపద్యం ద్వారానో, I Q టెస్ట్ ల ద్వారానో   వారిని గుర్తించి వారికి కూడా రిజర్వేషన్లు కల్పించవచ్చు. కాని ఆర్దిక ప్రాతిపదికగా ఉద్యోగ రిజర్వేషన్లు కల్పించడం అంత బుద్ది తక్కువ పని మరొకటి ఉండదు. అసలు రిజర్వేషన్ లే లేకపోతే ఈ  పాటికి ఉన్నత  వర్గాలు , అణగారిన వర్గాలు మద్య అంతరం మరింత ఎక్కువ అయి మరొక స్వాతంత్ర్య పోరాటం వచ్చి ఉండెది.ఒక వేళ అణగారిన వర్గాల ప్రజలు , రిజర్వేషన్ లను వ్యతిరేకించవలసి వస్తే ,  మరో స్వాతంత్ర్య పోరాటం  రాకుండా చేసినందుకు  రిజర్వేషన్ ల ను వ్యతిరేకించాలి. 
                            డబ్బు కోసం గడ్డి తినే వారు, లక్షల కోట్లు వెనకేసుకుని, వోట్లను కొని సీట్లు సంపాందించే రాజకీయ నాయకులు , ప్రైవేట్ విద్యావిదానం ద్వారా డబ్బున్న వారికి సీట్లు అమ్ముకునే వారు , పేపర్ లీక్ ల ద్వారా దొడ్డి దారిన మార్కులు పొందే ఘరానా దొంగలు ఇబ్బడి ముబ్బడిగా ఉన్న సమాజంలో నిజంగా  "ప్రతిభ" అనేదానికి అర్దం ఉందా?  ఈ  దేశం లో 30% నుండి 40% వరకు బోగస్ డిగ్రి పట్టాలు అమలవుతున్నాయని ఈ  మద్య ఒక సర్వే లో తేలింది అంటున్నారు. అగ్రవర్ణాలకు చెందిన కొంతమంది తప్పుడు కుల ద్రువీకరణ పత్రాలు ద్వారా ఉద్యోగాలు చేస్తూ రిజర్వేషన్ సిస్టం ని అపహాస్యం పాలు చేస్తున్న దాఖలాలు ఉన్నాయి. డబ్బున్న వారికి సీట్లు కేటాయిస్తుంటే అబ్యంతరం చెప్పని వారు, రిజర్వేషన్ వర్గాల వారిని సోషల్ మీడియాలో కించపరచే విదంగా ప్రకటనలు చేస్తూ ,అవమానపరచడం ఎంతవరకు సబబు? 

    నిజంగా ఈ  దేశం లో రిజర్వేషన్ లను సమీక్షల పేరుతో కాని, మరే వంకతో కాని తీసివేసే దమ్ము ఏ రాజకీయ పార్టికి అయినా ఉందా? ఉంటే సీమాంద్రాలో కాంగ్రెస్ కి పట్టిన గతే సదరు రాజకీయ పార్టికి పడుతుంది అని తలలో మెదడు ఉన్న వారికెవరికైనా అర్దం అవుతుంది. మరి జరుగని వాటి కోసం ఇంత ఆర్బాటాలు ఎందుకు? ఎందుకంటె ఆ వంక తో అయినా అగ్రవర్ణాలలో కొంతమంది మెప్పు పొంది తమ రాజకీయ పబ్బం గడుపుకుందాం అనే దూ(?)రాలోచన . ఒకవేళ వారు కోరుకున్నదే జరిగితే అందుకు రిజర్వేషన్ ల వర్గాల వారు కూడా సంతోశించవచు. ఎందుకంటె ఎప్పట్నుంచో వారు కోరుకుంటున్న రాజ్యాధికారం వారికి వచ్చి తీరుతుంది. రాజ్యాధికారం ఉన్న వాడికి రిజర్వేషన్ లు ఉంటె ఎంత? లేకుంటే ఎంత? ఆప్ట్రాల్ !

    అసలు రిజర్వేషన్ లు గురించి నిజమైన మేదావులు ఎవరూ అంతగా అందోళన చెందంటం లేదు  . ఎందుకంటె మన దేశా నికి అది ఒక "నేసెస్సరి ఇవిల్  ". ఆక్స్ పర్డ్ విశ్వవిద్యాలయ శాస్త్రజ్ఞులు తమ పరిశొదనలు ద్వారా తెలుసుకున్న విషయాలలో మెదడు అభివృద్ధి చెందిన వారిలో , విద్యా , వినయం, జ్ఞాపకశక్తి , తృప్తి, అనే సానుకూల అంశాలు ఎక్కువుగా ఉంటాయి  అట . అదే మెదడు అంతగా అభివృద్ధి చెందని "రెండొ రకం మెదడు " వారికి ఆగ్రహం, నిబందనల ఉల్లంఘన , నిద్ర తక్కువ లాంటివి ఎక్కువ అట. మరి రిజర్వేషన్ల వ్యతిరేకత పేరుతో నిమ్నావర్గాలను కించపరచే ప్రకటనలు సోషల్ మీడియాలో గుప్పిస్తూ ఆగ్రహం వెలిబుచ్చుతున్న వారిలో ఆ "రెండవ రకం మెదడు" ఉండటమే కారణమా? అలా అయితే వారు రిజర్వేషన్లకు అర్హులే . కాబట్టి వారి వారి సామాజిక దామాషా నిష్పత్తి ప్రకారం రిజర్వేషన్లు కల్పిస్తే సరిపోతుంది. 

      అసలు శాస్త్రీయంగా రిజర్వేషన్ లు మీద ఒక సమీక్ష జరిపి, అన్ని సామాజిక వర్గాలలోని మేదొ పరంగా  వెనుకబడి ఉన్న వారికి ఉద్యోగాలలో , పదవులలో రిజర్వేషన్లు, అలాగే ఆర్దికంగా వెనుకబడిన వారికి ఆర్దిక పర సహాయం అందిస్తే కరెక్టు అవుతుందా ?  ఏది ఏమైనా అణగారిన వర్గాలు మేదో పరంగా వెనుకబడి ఉండటానికి కారణం కొన్ని సామాజిక వర్గాలకే విద్య పరిమితమవుతు రావడం. ఇప్పుడు ఒక్క సారిగా స్వాతంత్ర్యం వచ్చింది కదా అని మేదో పరంగా వెనుకబడిన వారు ఎక్కువుగా ఉన్న సామాజిక వర్గాలకు , మేదావులు ఎక్కువుగా ఉన్న సామాజిక వర్గాలకు పోటి పెడితే కరెక్టా? ఆర్దిక పరమైన రిజర్వేషన్లు ప్రాతిపదికగా ఉద్యోగాలు ఇచ్చుకుంటూ పోతే , అణగారిన వర్గాల నుండి అతి తక్కువ మంది మాత్రమే ఉద్యోగాలు పోందుతుంటె , ఇప్పటి దాక అణచివేతను అవలంభించిన  వర్గాలవారే  ఎక్కువ లబ్ది పొందుతారని , మేదావుల అభిప్రాయం.  అందుకే ఇప్పటి విదానానే కొనసాగిస్తూ , అగ్రవర్ణాలలో మేదో పరంగా వెనుకబడిన కుటుంబాలకు కూడా కొంత శాతం రిజర్వేషన్ కల్పిస్తే మంచిది. ఇందుకోసం 60 యేండ్ల రిజర్వేషన్ విదానం మీద ఒక సమీక్ష జరిపినా బాగుంటుంది.

          అంతే   కాని రిజర్వేషన్ వర్గాలను కించపరచే ప్రకటనలు చేస్తు , వారిని రెచ్చగొడుతూ , రిజర్వేషన్ ల మీద సమీక్ష జరపడమంటే దాని పలితం వేరే విదంగా ఉంటుంది. అది కచ్చితంగా   కొరివితో తల గోకుకున్నట్లే . కాబట్టి నిజమైన మేదావులు దీని మీద ఆలోచన చేయాలి.  ప్రతి పదేండ్లకి ఒక సారి సమీక్షలు జరుపుతూ , మేదో పరంగా  ప్రతిభ సాదించిన వారిని , వారి  పిల్లలను రిజర్వేషన్ కేటగిరి నుండి తప్పిస్తూ వెలితే కొంత కాలం నాటికి రిజర్వేషన్ లు అవసరం లేని సమాజాన్ని చూడవచ్చు. లేదు అంటె ప్రతి పౌరుడికి, వారి ప్రతిభకు తగ్గ  ఉద్యోగ గ్యారంటి  కల్పిస్తే  చాలావరకు రిజర్వేషన్ ల సమస్య తీరిపోవచ్చు. మరి అలా చేసే దమ్ము ఉందా నేటి రాజకీయ పార్టీలకు ?  అందుకు అణగారిన వర్గాల నమ్మకం పొందిన నాయకుల చేతిలో రాజకీయ పార్తీల పెత్తనం ఉండాలి. అప్పుడే అది సాద్యం.

                                                       (30/9/2015 Post Republished)

Thursday, 29 September 2016

చీ..చీ..చీ,, ఇంత ఘోర కలి ఈ భూమి మీద ఉందా!?

                                                           
                                                     
                                                            

 ఇటువంటి సంఘటనలు గురించి చెప్పాలంటే మనస్కరించడం లేదు. ఎంతో మందిని  ఎన్కౌంటర్ చేయగకలిగిన పోలీస్ వారు, ఎందుకు ఇటువంటి కేసుల నిందితుల పట్ల ఉపేక్ష వహించి, కోర్టు విచారణల పేరుతో కాలయాపన చేసి, నిందితులకు జీవించె హక్కు కల్పించడం?మీకు చేతకాకపోతే వారిని ప్రజల మద్యకు పంపించండి. వారే విదిస్తారు తగిన శిక్ష. రాజ్యాంగరక్షణ అనేది మనుషులకు మాత్రమే.జంతువులకు కూడ ఇవ్వొచ్చు. కాని మానవ రూపంలో ఉన్న మ్రుగాలకు మాత్రం ఎట్టి పరిస్తితుల్లో ఇవ్వ రాదు. అవసరమైతే వీరి కోసం షరియా చట్టాలు మాదిరి అమలు చేసినా తక్కువే!.

   నిన్న ఉత్తరప్రదేశ్ ముఖ్యమంత్రి సమక్షానికి ఒక ఇరవై నాలుగేళ్ళ అమ్మాయి వచ్చి తన గోడు వెళ్ళ బోసుకుంటుంటే అక్కడ ఉన్నవారంతా కొయ్యబారీ పోయారట. ఆ అమ్మాయిని గత తొమ్మిదేళ్ళుగా, అమ్మాయి తండ్రి, అన్న ఇద్దరూ అత్యాచారం చేస్తూ, తమ పశువాంచ ను తీర్చుకుంటున్నారట. దానికి ఆ తల్లి వత్తాసు కూడ ఉందట. దీని మీద స్పందించిన లక్నో పోలిసులు నిందితులను అరెస్ట్ చేసి, విచారణ జరుపుతున్నారు. ఇటువంటి  సంఘటణ జరిగిందంటే అసలు నమ్మ బుద్ది కావటం లేదు. మనిషి పూర్తిగా మ్రుగత్వ వాసనలు నుండి బయటకు రాలేదనటానికి ఇదొక తార్కానం.దీని గురించి వివరం కొరకు ఈ లింకి మీద క్లిక్ చెయ్యాoడి .http://www.indiatvnews.com/crime/news/girl-raped-by-father-younger-brother-for-nine-years-in-uttar-pr-3649.html         

 పోయిన ఏడాది నవంబర్ లో కేరళలోని కన్నూర్ లో ఇలాంటి సంఘటనే జరిగింది. ఎనిమిదో తరగతి చదివే పసిదానిని,తండ్రి అన్న, ఇంకొకడు రెండేళ్ళుగా అత్యాచారం చేస్తుంటే, పాపం ఆ పిల్ల ఇంటికి పోవటానికి భయపడితే, అనుమానించిన స్కూల్ యాజమాన్యం,విషయమేమిటా అని ఆరా తీస్తే ఆ భయంకర దుష్క్రుత్యం బయటకు వచ్చింది. దీని గురించి వివరం కొరకు ఈ లింకి మీద క్లిక్ చెయ్యాండి .http://www.ndtv.com/article/south/13-year-old-allegedly-raped-by-father-brother-uncle-in-kerala-297445

  ఇది కేవలం మన దేశం  లో మాత్రమే ఉన్న అపచార అవశేషం  కాదు. అమెరికా లో సైతం ఇటువంటి సంఘటనలు తక్కువేమి కాదంటున్నారు సామాజిక వేతలు.అక్కడ జరిగిన  ఒక సంఘటనలో ఒక కుటుంబం. తల్లి తండ్రులు,ఇద్దరు మగపిల్లలు, ఇద్దరు ఆడపిల్లలు. అందులో పెద్ద పిల్ల వాడు తన ఇద్దరి చెల్లెళ్ల మీద వారి చిన్నప్పప్ట్నుంచే అఘాయిత్యం చేస్తుండే వాడట. ఆ విషయం చిన్నోడికి తెలిసి, వాడు కూడా అదే పని చెయ్యటం మొదలు పెట్టాడట! ఇది మొదట్లో వారి తల్లి నమ్మ లేదట. ఒక సారి ఆమె చూసి, ఇంట్లో తండ్రికి చెపితే, ఆ వెదవ కూడా తన బిడ్డల మీద అపచారానికి ఒడిగట్టాడట. చివరకు చుట్టు ప్రక్కల వారి సహాయంతో పోలిస్ కేసు పెడితే, వారికి కఠిన శిక్షలు విదించింది న్యాయ స్తానం. అందులో పెడ్డ కొడుకు తండ్రికి 2028 వరకు   పెరోల్ వచ్చే అవకాశం కూడా లేదు. దీనంతటికి కారణం క్రమశిక్షణ లేని తల్లి తండ్రుల పెంపకం , కట్టుబాట్లు లేని కుటుంబ నిర్మాణ వ్యవస్తే. తలచుకుంటే జుగుప్త్స కలిగే ఇటువంటి సంఘటనలు, నిందితులకు ఎందుకు అసహ్యం అని పించవు అంటే, వారి తల్లి తండ్రుల పెంపక విదానమే అని పై మూడు కేసుల్లోను అర్దం అవుతుంది.ఈ  కేసు గురించి వివరం కొరకు ఈ లింకి మీద క్లిక్ చెయ్యాండి   http://ordinaryevil.wordpress.com/2011/02/11/two-sisters-brutally-raped-by-their-brothers-and-father-why-they-will-always-remember-and-why-some-victims-dont/

   మనం సంఘ జీవులం. కుటుంభ ప్రేమికులం. మనల్ని జివించేలా చేసేది, చేస్తుంది, స్త్రీల  పట్ల మనకుండే వ్యామోహం కాదు. ఖచ్చితంగా వారి పట్ల మనకుండే ప్రెమాను రాగాలు, వారు మన పట్ల చూపే మమకారాలు. సాదర్ణంగ ఆడపిల్లలకు తల్లి దగ్గర కంటే తండ్రి దగ్గరే చనువు ఎక్కువ. జ్ణానం ఉన్న తండ్రి తన మగ పిల్లాడ్ని అయినా ఒక దెబ్బ కొడతాడు కానీ ఆడపిల్లల్ని కొడతానికి ఇష్టపడడు . అది మనకు మన కుటుంభ వ్యవస్థ నేర్పిన సంస్కారమే కాదు ఆడపిల్ల పట్ల మనకున్న సహజ ప్రేమానురాగాలు కూడా . ఆ ప్రెమానురాగలే ఆడబిడ్డలకు  శ్రి రామ రక్ష. కుటుంభం అనేది కుటుంబ  సభ్యులకు ప్రెమానురాగాలు లభించే రక్షణ నిలయంగా ఉండాలి తప్పా, ఇంటికి వెళ్ళడానికే సబ్యులు భయపడుతుంటే ఇక ఈ ప్రపంచంలో రక్షణ లభించేది ఎక్కడ? ఇటువంటి సంఘటనలు ఏ నూటికో కోటికో ఒకటి జరిగినంత మత్రానా దానిని సీరియస్ గ తీసుకోవాల్సిన అవసరం లేదనే వారూ ఉండొచ్చు. కానీ పచ్చని పొల్లాలో ఒక రకం తెగులు కనపడినపుడు, తెలివి గల రైతు మొదట్లొనే జాగర్త పడి ఆ తెగులుకి కారణం కనుక్కుని దానిని సమూలంగా నాశనం చేస్తాడు. లేకుంటే మొత్తం పైరు నాశనం కావడనికి అట్టే సమయం పట్టదు. ఇదే సూత్రం సమా జానికి వర్తిస్తుంది.
  ఈ మద్య నేను పెట్టిన ఒక టపా కు స్పందించి మిత్రులు, కదిరి ప్రాంత వాసులు ;ఐన శ్రీ  దేవరింటి హేమ కుమార్  గారు        ఒక కవిత ను కామెంట్ గా పోస్టు చేసారు. వారి ఆవేదనా పూరితమైన కవితను ఇక్కడ ప్రస్తావించడం అవసరం అని బావిస్తూ దానిని ప్రచురిస్తున్నాను. శ్రీ దేవరింటి హేమ కుమార్   గారి సౌజన్యంతో...
భయమేస్తుంది నాకు భయమేస్తుంది,
బావితరం రూపుజూసి భయమేస్తుంది!!

నిన్నగాక మొన్ననేమో.పేరుబడ్డ పట్టణాన,
అబ్బకేంతెలియకుండ అన్న అనుభవిస్తుంటే,
అన్నకేమి చెప్పొద్దని అబ్బ అదుముకొచ్చాడు
చెప్పుకునే దిక్కులేక,బయటచెప్పుకోలేక,
బయలుదేరేనాబిడ్డ ఉరితాడే నయమంటూ.
భయమేస్తుంది నాకు భయమేస్తుంది,
ఈ అధ్వానం చూస్తుంటే నాకు భయమేస్తుంది.

అమ్మ,అన్న-అక్క,చెల్లి,అన్ని మరిచి కామాన్ని ,చీకటిలా అలుముతుంటే,
వాయి వరస మరిచి జనం ఆవేషాలుతీర్చుకుంటు,
ఉన్నపాటీసంస్కృతినీ ఊభిపాలు చేస్తుంటే
భయమేస్తుంది నాకు భయమేస్తుంది,
భావితరం భవిత చూసి భయమేస్తుంది.

అద్వానంగుండటమే అభ్యుదయం అనుకుంటే,
అభ్యుదయంపెరుచెప్పి ఉన్నబట్టలిప్పుకుంటే
బాయ్ ఫ్రెండు పేరుచెప్పి బడువుకెత్తి తిరుగుతుంటె
భయమేస్తుంది నాకు భయమేస్తుంది,
బావితరం రూపుజూసి భయమేస్తుంది.

వ్యభిచారం తప్పు కాదంటూ ,
వ్యవహారంనడుపుతున్న మనవారన్ తీరుజూడు.
లవరుపార్కు పేరుచూడు,ఆడుండే తీరుచూడు.
కప్పుకుంటే ఏమీలేదు.విప్పుకుంటే కిరీటాలు,చెప్పుకుంటే సిగ్గుసేటు.
చిత్తరంగ ఉందికదా?చెప్పుకుంటే సిగ్గుచేటు!
సావిత్రమ్మ తెలీదంట! సక్కుభాయి తెలీదంట!
శరవత్తు,ముంమైతు మస్తు మస్తు గురుతంట!
మతిబోయిన కుర్రకారు మైమరఛీ తిరుగుతుంటే
భయమేస్తుంది నాకు భయమేస్తుంది,
మనుగడను తలచుకుంటే భయమేస్తుంది.

డేటింగులు,చాటింగులు-అబ్బో చెప్పతరంకాదు.
ఆ వెబ్బులజోలికెళితే అసలుచెప్పతరంకాదు.
అవనిపైనబుట్టినారు అమ్మనైన వదలరేర
భయమేస్తుంది నాకు భయమేస్తుంది,
ఆ బూతు కధలు తలచుకుంటే భయమేస్తుంది.
                                                           (5/9/2013 Post Republished).
                                       

Wednesday, 28 September 2016

'డ్రైవర్ రాముడు' లు కంటే "డ్రైవర్ కీచక"లే ఎక్కువుగా ఉన్నారా?

                                                          
                                                                             
                                                                    

                                  అవుననే అనిపిస్తుంది ఈ  మద్య  మన రాష్ట్రం లో ఆడవాళ్ళపై జరుగుతున్నా అత్యాచార సంఘటనలు చూస్తుంటే.ఆంద్రుల అభిమాన నటుడు స్వర్గీయ నందమూరి తారక రామారావు గారు ఒక సినిమానలో, లారీ డ్రైవర్ పాత్రలో నటించి డ్రైవర్ అనే వాడికి ఒక హీరో ఇమేజ్ ఇచ్చి సినిమాను సూపర్ డూపర్ చేసాడు. అదే "డ్రైవర్ రాముడు". అలాగే బాషా అనే సినిమాలో హీరో రజనీ కాంత్ కూడా  ఆటో డ్రైవర్ పాత్ర పోషించి, ఆటొ డ్రైవర్ లకు ఒక హీరో ఇమేజ్ ఇచ్చారు.కానీ వాస్తవ జీవితంలోకి వస్తే మనకు కనిపిస్తున్న వారు "డ్రైవర్ కీచక" లే! . డిల్లీ నిర్భయ కేసు లో , ఆంద్రా అభయ కేసు లో కూడా  దోషులు ,నిందితులు డ్రైవర్లే కావడం గమనార్హం.

    హైద్రాబాద్లో అభయ కేసు జరిగిన తర్వాత ఖమ్మంలో కూడా  ఒక వివాహితపై ఇద్దరు ఆటో డ్రైవర్లు అత్యాచారం చేసారట !ఖమ్మం పట్టణం ప్రక్కనే ఉన్న రఘునాద పాలెంలో ఒక వివాహిత తన అమ్మమ దగ్గర ఉంటుంది. ఆమెకు ఒక కుమార్తె ఉంది. ఆమె తన భర్తతో గొడవపడి వచ్చి తన అమ్మమ దగ్గర ఉంటుందట. ఆమె కుమార్తె దసరా సెలవులకు ఆమె చెల్లెలు వద్దకు వెలితే , సెలవులు అనంతరం అమ్మాయిని తీసుకురావడానికి అమ్మమ్మ  వెళ్లిoదట. ఆ రోజు రాత్రి ఒంటరిగా ఆ వివాహిత ఉన్న పరిస్తితి చూసి ఆ ప్రాంతానికి చెందిన ఇద్దరు ఆటో డ్రైవర్లు ఆమె ఇంట్లోకి చొరబడి ఆమె మీద అత్యాచారం చేసారట. పాపం ఆమె తన అమ్మమ్మ వచ్చాక విషయం చెప్పి ఊరి పెద్దల సహకారంతో ఆ ఇద్దరు ఆటోడ్రైవర్ ల మీద కేసు పెడితే, పోలిసులు నిర్భయ చట్టం కింద కేసు నమోదు చేసి విచారణ చేస్తున్నారు. ఇదీ ఖమ్మంలో కామంతో కళ్ళు మూసుకుపోయిన ఆటో డ్రైవర్ల కద.

     ఇలాంటిదే కరీంనగర్లోను జరిగింది. తొమ్మిదో తరగతి చదివే అమ్మాయి దసరా సెలవులకు ఇంటికి వచ్చి, తిరిగి వెళుతూంటే ,ఆమె బాబాయి ఒక ఆటోలో ఆమెను హాస్టల్కి పంపిం చాడట. ఆ ఆటో వాడు ఆ అమ్మాయిని హాస్టల్కి తీసుకు వెళ్ళకుండా దారి మళ్ళించి , ఒక నిర్జన ప్రదేశానికి తీసుకు వెళ్లి అత్యాచార యత్నం చేయబోతే ఆ పిల్ల ఎలాగో తప్పించుకుని ఏడ్చుకుంటూ దగ్గరి ఊర్లోకి వస్తే వారు పోలిస్ లకు సమాచారం అందిస్తే కేసు పెట్టి విచారణ  చేస్తున్నారట. ఇది కరీం నగర్ లో ఒక ఆటో డ్రైవర్ దుష్క్రుత్యం .

  ఇలా కేసులు వివరాలు తీస్తే ఎక్కువ శాతం డ్రైవర్ లే ఈ  ఘోరాలకు పాల్పడుతున్నట్లు తెలుస్తుంది. ఎందుకు అలా జరుగుతుంది? డ్రైవర్ లకి ఆడవాళ్ళు అంటే అంత చిన్న చూపు ఎందుకు? వారి వ్రుత్తి ప్రకారం ఎక్కువ సమయం బయట గడుపుతారు. చిల్లర మల్లర గా తిరిగే బేవార్స్ గాళ్ళ స్నేహితాలు ఎక్కువ. మీరు గమనించండి. కొంత మంది ఆటో డ్రైవర్ ల ప్రక్కనే పని పాట లేని జులాయి గాడు ఒకడు కూర్చుని ఉంటాడు. ఆటొ పోతున్నంత సేపు వారు ఏవో కహానీలు చెప్పుకుంటూనే వుంటారు. వారు తిరిగే ప్రాంతంలోని వ్యభిచారం చేసి పొట్ట పోసుకునే ఆడవాళ్ళ గురించి వారికి బాగా తెలిసి ఉంటుంది. అటువంటి వారిని చూసి, చూసి ఆడవాళ్ళు అంటే ఒక నీచమైన అభిప్రాయం ఏర్పరచుకుంటారు. ఒంటరిib kv JN గా ఆడవాళ్ళు రాత్రి పూట కనపడినా వారు వేరే బావనతోనే ఆలోచిస్తారు. అలాగే మగ తోడు లేని వారు అన్నా అదే బావం కావచ్చు. ఏదేమైనా" కూసే గాడిద వచ్చి మేసే గాడిద ను చెడగొట్టినట్లు" ఏ  పనీ పాట లేని నీచ మిత్ర సాంగత్యం వలననే మంచి డ్రైవర్లకు కోడా పాడు బుద్దులు పుడుతున్నాయి.  అనుకుంటా .

     మొత్తానికి హిందీ లో" కీచ్" అంటే గుంజటO ,లాగటం అని అర్దం ఉంది. ఒంటరిగా ఆడపిల్లలు కనపడితే చాలు వారిని ఏదో విదంగా తమ వాహనాలలోకి  లాగి వారి మీద అత్యాచారాలు చేసే వారిని కీచకులు అనటం లో తప్పు లేదు. అందుకే వారు "డ్రైవర్ కీచక". లు. ఇటువంటి కీచకుల భరతం పట్టడానికి "నిర్భయ" యే ప్రస్తుతం ఉన్న అవకాశం.దానిని కూడా  మరికొంత సవరణ చేసి  అత్యాచార నేరానికి "ఉరి" ని శిక్షగా ఖరారు చెయ్యాలి . అప్పుడు కాని కొంత బయం నేరస్తులలో కలుగుద్దేమో చూడాలి .  నేను ఇంతకు ముందు ఒక టపా ప్రచురించినపుడు ఇదే విషయమై ఒకరు వ్యాఖ్యానించారు . ఆ టపాను క్రింద లింక్ గా ఇవ్వడం జరింగింది . చూడగలరు.

     http://ssmanavu.blogspot.in/2012/12/blog-post_26.html  

                                                            (24/10/2013 Post Republished).

Tuesday, 27 September 2016

సెల్ లో బొమ్మలు చూసి చొంగ కార్చుకొవటం తప్పా పెండ్లి చేసుకునే దమ్ము లేదు !పిల్లల్ని కని పెంచే దమ్ము అస్సలు లేదు !

                                                                 
     


                              చదువా ,చదువా ప్రజలకు ఏమి నేర్పావే అంటే , "స్త్రీలను స్త్రీలు ,పురుషులని పురుషులు పెండ్లి చేసుకోవడం ఎలాగోనేర్పాను "అందట ! మితిమీరిన స్వేఛ, ఆదునిక జీవన శైలి విద్యా వంతులైన యువతను అసమర్డులుగా మార్చి వేస్తున్నాయి . వెనుకటి తరం వారు సంపద   ఉన్నా ,లేకపోయినా పిల్లల్ని కనడం లో వెనుకంజ వేసేవారు కాదు .కారణం ఎంత మంది పిల్లలు ఉంటే అంత సంపద గా పరిగనించేవారు కాబట్టి . కాని ఇప్పుడో ! నెలకు పాతిక వేలు తెచ్చుకునే ఉద్యోగి కుడా ఒక పిల్లని మించి కనాలంటే వెన్నులో ఒణుకు పుడుతుంది . అదే ఆడ పిల్లయితే నవ నాడులు క్రుంగి పోయేంత బయం . అదీ అదునికుల బ్రతుకులు ! దీనికే తెగ ముర్రిసి పోతూ "స్మార్ట్ సిటి ",లు మావి ,స్మార్ట్ బ్రతుకులు మావి అంటున్నారు .

  ఇక ఎక్కువుగా చదువుకున్న విద్యావంతులైతే అసలు పెళ్లి వద్దు ,పెళ్ళాం వద్దు అని అంటున్నారట . అపోజిట్ సెక్స్ ను చూసి తెగ బయపడి పోతూ ,సేమ్ సెక్స్ కి అలవాటు పడిపోతున్నారు .తమ బలహీనతను ఒక హక్కు గా బావించి స్వలింగ సంపర్కాన్ని చట్టబద్దం చెయండహొ అని ప్లే కార్డులు పట్టుకుని సిగ్గు లెకుండా అరుస్తున్నారు . ఇక కొంత మంది అయితే వివాహం ద్వారా లభించే లైంగిక సుఖం కంటె జీవిత బాగస్వామి తో వచ్చె తలనొప్పులే తమ స్వెచ్చకు బంగం అని బావించి పెండ్లి అంటేనే విముఖత చుపిస్తునారు . పదహరేళ్ళకే సెల్ లోబొమ్మలు చూస్తూ చొంగ కార్చుకునే వారికి ,పాతికేళ్ళు దాటేసరికి చొంగ కార్చుకోవటం తప్పా ప్రాక్టికల్ గా అనందం అనుభవించలేని మానసిక రుగ్మతను పొందుతున్నారు . అందుకే వారికి పెండ్లి మీద విముఖత కలిగి ఉంటున్నారు .

    మన దేశం లో ఉన్న కుల విదానం కూడా చాలా మందికి పెండ్లిళ్ళు లేటు అయ్యేటట్లు ,కొందరికి జీవిత బాగస్వాములే దొరకని పరిస్తితి . దీనికి కారణం ఏమిటో,వారి పరిస్తితి ఏమిటో   వివరంగా తెలుసుకోవాలంటే క్రింది లింక్ ను క్లిక్ చేయండి .
 ఆలి కోసం కులంచెడ్డా,మిగిలింది ఎగతాళే!
ఇక చదువుకున్న కొంతమంది విద్యాదికులును పరిశీలిస్తె ,  తాము  పెండ్లిళ్ళు చేసుకోకపోయినా ,పిల్లల్ని కనకపోయినా తమకు కాని ,సమాజానికి కాని వచ్చిన నష్టం ఏమిలేదని ,పై పెచ్చు జనాభా విపరీతంగా పెరిగి పోయిన భారత దేశంలో తాము చేసేది 'దేశ సేవ 'క్రిందకు వస్తుందని బావించవచ్చు .వారి బావన 10 ఏండ్ల క్రితం కరెక్టు కావచ్చు .కాని ఆర్దికంగా సంపద ను రెట్టింపు చేయాలంటే ప్రస్తుతం పిల్లల్ని కనడం ,అవసరమైతే ఒకరిద్దరిని ఎక్కువ కనడం మంచిది అని స్వయంగా ఆంద్ర ప్రదేశ్ ముక్యమంత్రి శ్రీ  నారా చంద్ర బాబునాయుడు గారు నిన్న ఏలూరు లో చెప్పారు .వారు ఏమన్నారు అంటే

 ‘‘రాను రాను జనాభా సంఖ్య తగ్గిపోతోంది. నేను కూడా ఒక అబ్బాయితోనే సరిపెట్టుకున్నాను. కానీ, ఇప్పుడు పరిస్థితులు మారాయి. జనాభా తగ్గిపోతోంది. చాలామంది ఇప్పుడు పిల్లల్ని కనడం లేదు. చదువుకున్నవాళ్లు అయితే మరీ పెళ్లిళ్లే చేసుకోవడం లేదు. కొంతమంది పెళ్లిళ్లు చేసుకున్నా.. ఎందుకొచ్చిన పిల్లలు.. వచ్చిన డబ్బులతో ఎంజాయ్‌ చేద్దామని అనుకొని కొంతమంది పిల్లల్ని కనకుండా ఉంటున్నారు. ఆంధ్రప్రదేశ్‌లో ఏటా తొమ్మిది లక్షల మంది మరణిస్తుంటే..మరో తొమ్మిది లక్షల మంది పుడుతున్నారు. ఇంకొన్ని రోజులుపోతే చనిపోయేవారి సంఖ్య పెరుగుతుంది. పుట్టే వారి సంఖ్య తగ్గుతుంది. అప్పుడు మన ఊళ్లో అంతా ముసలివాళ్లే కనిపిస్తారు. ఈరోజు జపాన్‌లో అదే జరిగింది. ఆ దేశం అంతా ముసలివాళ్లే. దేశం దేశం పూర్తిగా చిన్న పిల్లలు లేకుండాపోయే పరిస్థితి ఏర్పడింది. అందుకే ఇప్పుడు మళ్లీ ఆలోచిస్తున్నాను. వీలయితే ఒకరిద్దరిని ఎక్కువగా పుట్టిస్తే నష్టం లేదు. కానీ, అసలు పిల్లలు లేకుండా ఉండడం మంచిది కాదు..’’ అని వ్యాఖ్యానించారు. పిల్లల్ని కనాలని, అలాంటి అవసరం ఇప్పుడు వచ్చిందని చెప్పారు. పిల్లలే లేకపోతే సమాజమే లేదని, అందరూ ముసలివాళ్లు అయిపోతారని, అప్పుడు కష్టపడలేరని వివరించారు. అదే జరిగితే, ‘‘ఇప్పుడున్న సంపదను రెట్టింపు చేయడం సాధ్యం కాదు. ఒకవేళ సంపద పెరిగినా, దానిని వినియోగించుకునే అవకాశం ఉండదు’’ అని హెచ్చరించారు. అమెరికా వంటి దేశాల్లో ఉన్న కుటుంబ వ్యవస్థతో పోలిస్తే మన వ్యవస్థ అద్భుతంగా ఉంటుందని, ఇక్కడ పిల్లాపాపలతో అందరూ కళకళలాడడం వల్లే మెరుగైన సమాజానికి అవకాశం ఏర్పడిందని" వివరించారు. చంద్రబాబు తన ప్రసంగంలో ‘పిల్లల్ని కనండి’ అంటూ వ్యాఖ్యానించినప్పుడు ప్రజలు ముసిముసి నవ్వులు నవ్వుకున్నారు. వారి నవ్వులను గమనించిన చంద్రబాబు.. పిల్లల్ని కనాలని తాను ఎందుకంటున్నదీ వివరించారు. భవిష్యత్తు తరం పెరగాలంటే పిల్లల్ని కనడమే మార్గమని వ్యాఖ్యానించారు. 

        కాబట్టి ఇప్పటికైనా విద్యావంతులు ఆలోచన చేసి "ఏ వయసులో ఆ ముచ్చట 'అనే మన సాంప్రదాయ విదానం ని పాటిస్తూ చక్కగా పెండ్లి చేసుకుని ఇద్దరూ లేక ముగ్గురు పిల్లల్ని కని వారి కోసం పాటుపడడo దేశం కోసం పాటు పడడం గా బావించి , శ్రమైక్య సంసార జివనానందమ్ అనుభవించాలి .
                                                                (19/1/2015 Post Republished).

Monday, 26 September 2016

కామ పిశాచులు ని " నిర్భయ" చట్టం నిరోదించలేదని తెలియచేస్తున్న "గార్ల కిరణ్మయి " ఉదంతం

                                                                   
         


                                           చట్టాలు నేరస్తులను శిక్షించ గలవు! కానీ వారిని నేరాలు చెయ్యకుండా ఆపగలవా? ఇది ఇప్పుడు సమాజంలోని ప్రతి ఒక్క మేదావి ఆలోచించవలసిన అంశం . "కామా తురాణం నభయం, న లజ్జ " అంటారు. కామంతో కళ్ళు మూసుకు పోయి ప్రవర్తించే వాడికి, ఒళ్లంతా కామ పిశాచం ఆవహించి ఉన్న వేళ , వాడికి "నిర్భయ " చట్టం గుర్తుకు వస్తుందా? చచ్చినా రాదు. పైగా పాప కార్యం అయి పోయాకా , అప్పుడు చట్టం గుర్తుకు వచ్చి, సాక్ష్యాలు దొరకకుండా ఏమి చెయ్యాలని చూస్తాడు. చివరకు బాదితురాలిని చంపడానికి కూడా  వెనుకాడడు. మరి ఇటువంటి కామ పిశాచుల నుండి అమాయకపు ఆడపిల్లలను రక్షించడానికి సమాజంలో కేవలం  కఠిన చట్టాలు ఉన్నంత మాత్రానా సరిపోదు అని  ఖమ్మం జిల్లా , గార్ల మండలం, తిర్లాపురం గ్రామం లో జరిగిన సంఘటన చాటుతుంది.

 ఆ అమ్మాయి పేరు కిరణ్మయి . వయసు 13.ఖమ్మంలో  ఎనిమిదవతరగతి చదువుతుంది. దసరా సెలవులకు ఇంటికి వచ్చిన ఆ అమ్మాయి తమ తల్లి తండ్రులకు పొలం పనులలో సహాయం చేస్తుంది. అటువంటి అమ్మాయి ఒక రోజు ఒంట్లో బాగోలేక తల్లి తండ్రులతో పాటు చేనుకు వెళ్ళ లేక పోయింది. అదే ఆమె పాలిట శాపమయింది . పిల్ల ఒంటరిగా ఉన్న విషయాన్ని కనీ పెట్టిన పొరుగు వాడు ఒకడు సెల్ చార్జింగ్ నెపంతో ఆమె ఇంట్లోకి ప్రవేశించి, ఒంటరిగా ఉన్న ఆ అమ్మాయి మీద అఘాయిత్యం చేయబోయాడు . దానికి ఆ అమ్మాయి తీవ్రంగా ప్రతిగటించడంతో , ఆమె ఒంటి మీద కిరోసిన్ పోసి తగుల పెట్టి పారి పోయాడు. పాపం ఆ అమ్మాయి ఆ మంటలకు తట్టుకోలేక, కేకలు పెడుతూ పోయి నీటి గాబులో కూర్చుండి పోయిందట. కానీ ఆమె ను హాస్పిటల్లో చేర్పించిన పలితం లేకుండా పోయింది. పది రోజులు మ్రుత్యువ్యు తో పోరాడి నిన్ననే చని పోయింది. ఆ అమ్మాయి తండ్రి పిర్యాదు మేరకు పోలిసులు కామ పిశాచి బాబురావు మీద "నిర్భయ " కేసు పెట్టి విచారణ చేస్తున్నారు.

  పై కేసులో నిందితుడు బాబు రావు కి నిర్భయ చట్టం ఉందని తెలియదా? అది చాలా కఠిన మయిందని తెలియదా ? ? ఖచ్చితంగా తెలుసు! మరి అయినా నేరం చెయ్యడానికి ఎందుకు భయపడలేదు? కామ పిశాచి యొక్క శక్తే అటువంటిది . అది కాష్మోర కంటే భయంకరమైనది. అది మనిషిలోకి  రాకుండా ఉండాలంటే కట్టుబాట్లతో కూడిన నైతిక జీవన విదానం నకు మనిషి అలవాటు పడాలి. 'అష్టాంగ మార్గం" అవలంబించకున్నా , కనీసం ఆమోద యోగ్యమైన పద్దతి అంటే "వివాహ పద్దతిలో " కోరుకున్న బాగస్వామి ని చేపట్టి వారితోనే తన కోరికలు నెరవేర్చు కోవాలి . అలాగే అనైతిక జీవన విదానం అవలంభించే వారిని తీవ్రంగా నిరసించాలి. అనైతిక  పరులు ఎంత దనవంతులైనా సరే వారికి విలువ ఇవ్వ రాదు. మనిషికి గుణం బట్టి విలువ నిచ్చే వ్యవస్తను పునరుద్దరింప చేయాలి. ఇలా కొన్ని  కట్టుబాట్లును ఆచరిస్తే తప్పా, సత్సమాజ నిర్మాణం సాద్యం కాదు. అప్పుడే కాష్మోరా లాంటి కామ పిశాచిని  "అష్ట దిగ్బందనం " చేయగలుగుతాము. "స్వనియంత్రణ  లేని వారు ఖచ్చితంగా సమాజ నియంత్రణకు గురి కావాల్సిందే". అన్న విదానం లో సమాజంలో కట్టు బాట్లు ఉంటే తప్పా నేర కట్టడి సాద్యం కాదు.

                                                        (29/10/2013 post Republished).

Sunday, 25 September 2016

ప్రేమించిన ప్రియురాలిని 'విధవ' ను చేయబోయి 'వెధవ' అయిన "ప్రేమ పూజారి"

                                                                     


                                                    కలి యుగం అంతానికి వచ్చినట్లే అనిపిస్తుంది ఈ  ఉదంతం వింటుంటే !చీకటి సామ్రాజ్యాల ఏలుబడి కోసం మాఫియా డాన్ లు తుపాకులు పట్టడం చూస్తున్నాం . సిద్దాంతాల అమలు కోసం తీవ్రవాదులుగా మారిన వారు తుపాకులు పేల్చడం గురించి వింటున్నాం . మతం పేరిట ఉగ్రవాదులుగా మారి మారణ హోమం సృష్టించడం ప్రపంచంలో ఎక్కడో ఒక చోట నిత్య కృత్యం గా నడుస్తున్నదే . కాని దైవ సేవలో నిత్యం రామ నామార్చన చేసే పూజారి , తను ప్రేమించిన -అది కూడా వన్ సైడ్ లవ్ అట- ప్రియురాలికి పెండ్లి చేసుకుంటే తట్టుకోలేక , ఆమె భర్తను హత మార్చడం కోసం పిస్టల్ కొని మరీ చంపాలనుకోవడం ఎంత దారుణమైన ఆలోచన!? వివరాలు లోకి వెళితే .....

   విజయవాడ దగ్గరలోని ఇబ్రహీం పట్టణం లో గల రామాలయం లో సుదర్శన రవి దత్త శాస్త్రి పూజారి . ఆయనకు వివాహం కాలేదు . ఈ  మద్య కొన్ని సామాజిక వర్గాల వారికి పెండ్లి చేసుకుందా మన్నా ఆడపిల్లలు దొరకని పరిస్తితి . అందులో రవి దత్తా సామాజిక వర్గం కూడా బాదిత వర్గం కావచ్చు . అందుకే కామోలు అయన ఏమో ఎదురింటి అమ్మాయిని ప్రేమించాడు కాని ఆ  విషయం ఆ అమ్మాయికి చెప్పలేక వన్ సైడ్ లవ్ గానే ఆమెను అరాదిoచడం మొదలెట్టాడు . ఒక పక్కా రామాలయంలో రామ ఆరాధనా , ఇంకొక ప్రేమాలయంలో తన ప్రేమికురాలి అరాదాన తో తన రోజువారి కార్యక్రమం గా పెట్టుకుని బ్రతుకు గడుపుతున్నాడు . కాని రాములు వారు అంటే దేవుడు కాబట్టి ఎంత అరాదిoచుకున్న అబ్యంతరం చెప్పక ఉన్న చోటునే ఉంటాడు కాని ఒక ఆడపిల్ల ఎల్లపుడ్డు పుట్టింట్లో ఉండదు కదా!

  అతని ఏకపక్ష ప్రియురాలికి అమె తల్లి తండ్రులు ఒంగోలు  కు చెందిన వ్యక్తీ తో వివాహం చేయగా ఆమె అత్తారింటికి వెళ్లి పోయింది . దానితో మన పూజారి గారికి రామ అరాదనె తప్పా ప్రేమ ఆరాధన లేకుండా పోయింది . దానితో అతడు దేవదాసులా "మందు బుడ్డి " ని ఆశ్రయించలేదు కాని ఒక మతిమాలిన పనికి సంకల్పించాడు . అ అమ్మాయికి భర్తను లేకుండా చేస్తే ఆమె ఎలాగూ పుట్టింటికి రాక తప్పదు . అప్పుడు తన మూగ ఆరాధనా కంటిన్యూ చెసుకొవచ్చని తలచి , తనకు తెలిసిన స్నేహితుడి ద్వారా బిహార్ నుంచి 45,000 రూపాయలు పెట్టి ఒక [పిస్తోలు తెప్పించాడు . దానితో సదరు ప్రేమికురాలి భర్తను చంపడానికి ప్లాన్ రచించి దాని అమలు కోసం విజయవాడ బస్ స్టాండ్ కి తన స్నేహితునితో సహా వచ్చాడు .

  తను ఒకటి తలిస్తే దైవమొకటి తలుస్తుంది . లేకుంటే దైవ ఉనికికే అర్ధం లేదు . ఎంత తన సేవ చేసుకునే పూజారి అయినా ఇలాంటి అమానుష ఆలోచన చేయడం ఆ రాముల వారికి నచ్చ లేదు కామోలు . ఆదిలోనే హంస పాడు కల్పించి సదరు ప్రేమ పూజారిని పోలీసులకు చిక్కేలా చేసాడు . విజయవాడ బస్ స్టాండ్ లో గల మరుగు దొడ్లలో పిస్తోలు లోడ్ చేస్తున్నప్పుడు అది మిస్ పైర్ అయి ప్రక్కనున్న ప్రయాణికుడి తొడలోకి బులెట్ దూసుకెళ్లింది. అంతే ! అక్కడే డ్యూటిలో ఉన్న పోలీసులు , ఆ ప్రేమ పూజారిని , అతని స్నేహితుడిని పట్టుకుని వారి వద్దనుంచి పిస్తోలు , బుల్లెట్లు సిజ్ చేసి వారిని కట కటాల  వెనుకకు పంపారు . ఇది నిన్న తెల్లవారు ఝామున విజయవాడ బస్ స్టాండ్లో ని మరుగు దొడ్ల సాక్షిగా జరిగిన సంగటన .

  సమాజంలోనే కాదు , సామాజిక వర్గాలలో సైతం స్త్రీ పురుషుల నిష్పత్తిలో సమతుల్యత దెబ్బ తినడం వలననే పూజారి గారు పెండ్లి చేసుకోవడానికి అడ పిల్ల దొరకక ఇలాంటి తప్పుడు పనికి పాల్పాడాడా అనేది అతని నుంచి సమగ్ర విచారణ ద్వారా తెలియాల్సి ఉంది .
                                               (12/3/2014 post Republished).
             

"మగబుద్దిని కంట్రోల్ చెయ్యాలంటే మగువలను దూరంగా ఉంచడం లాంటి సాంప్రదాయక విదానమే బెస్టా?

                                                                       


                                                     అసలు స్త్రీల పట్ల చాలా మంది మగాళ్ళు ఎందుకు  చంచల బుద్దితో  ప్రవరిస్తారు ? దీనికి పైకి చెప్పే కారణం ఒకటే . సంస్కార హీనులైన వారే అలా ప్రవర్తిస్తారు అని. కానీ ఎన్నో ఏండ్లుగా సంస్కారవంతులుగా చలామణీ అయిన వారు సహితం, స్త్రీల ఔన్నత్యాలు గురించి, పురుషుల కుసంస్కారాలు గురించి ఎడతెగని లెక్చరర్లు దంచిన వారు సహితం ఏదో ఒకనాడు హట్టాతుగా ఒక స్త్రీ పట్ల అనుచితంగా ప్రవర్తించాడు అన్న ఆరోపణలకు గురై అందరిని విస్మయ పరుస్తాడు. స్త్రీ పురుషుల మద్య ఆరోగ్యకరమైన సంబందాలు కొనసాగింపు విషయం లో మన పూర్వీకులకు ఉన్న అవగాహనలో అరవైయ వంతు కూడా  అడునికులకు లేదు అనిపిస్తుంది. కడుపున పుట్టిన కూతురైనా సరే ,  తండ్రి తో ఒకే మంచం మీడ పడుకోవటానికి అనుమతించరు పెద్దలు. ఎందుకని? ఆ తండ్రి మీద అనుమానం కాదు,అతనిలో ఉన్న "మగ బుద్ది " ని కంట్రోల్ లో పెట్టి కుటుంభ బందాలు ఆరోగ్యకరంగా సాగేందుకు ఏర్పరచుకున్న పద్దతి. అంతే !

  ఇదంతా ఎందుకు చెప్పాల్సి వచ్చిందంటే  మొన్నీ మద్య సుప్రీంకోర్ట్ మాజీ న్యాయమూర్తి గారి మీద ఒక న్యాయ విద్యార్దిని లైంగిక ఆరోపణలు చేసింది. ఆమె గారు యేడాది క్రితం తను శిక్షణలో ఉన్న కాలం లో తనకు గురువుగా వ్యవహరించిన అప్పటి సుప్రీం కోర్టు జడ్జ్ అయిన ఒకాయన, తను అయన బస చేసిన హోటల్ రూం  కు వెళ్ళగా   తనతో అనుచితంగా ప్రవర్తించినట్లు ఆరోపణలు చేసింది. దానికి స్పందించిన సుప్రీం కోర్టు వారు ముగ్గురు జడ్జ్  లతో   కూడిన ఒక విచారణ కమిటీ వేసారు. ఆ అమ్మాయి చెప్పిన దాని ప్రకారమే తను చేసే ఆరోపణలకు ప్రత్యక్ష సాక్షులు ఎవరూ లేరు. మరి ఆ ఆరోపణలు ఎలా రుజువు కావాలి? ఇది ఇలా ఉండగా ఇంకొక  మహిళా న్యాయవాది కూడా , తను శిక్షణలో ఉండగా కూడా  సదరు న్యాయమూర్తి గారు తనతో ఇలాగే ప్రవర్తించాడు అని పేస్ బుక్ లో చెప్పిందట! అది గడచి కూడా  కొన్ని సంవత్సరాలు అయింది అట . దానికీ  సాక్షులు లేరు. మరి ఈ  అమ్మాయిల ఆరోపణలు ఎలా రుజువు కావాలి? ఒకవేళ రుజువు కాలేక పోయినా, ఆ ఆరోపణలు నిజమైనా , కాకపోయినా  సంఘం లో సదరు న్యాయమూర్తి గారి పరువు ఖచ్చితంగా పోతుంది. అదే వారోపించిన వారి ఉద్దేశ్యం అయితే వారు సక్సెస్ అయినట్లే అని చెప్ప వచ్చు. ఆ ఆరోపణ చేసే అమ్మాయిలూ కూడా  కోరుతుంది ఏమిటంటే ఆ చంచల స్వబావుడైన న్యాయమూర్తి వద్దకు న్యాయ విద్యార్దిణులను బవిష్యత్ లో పంపించ వద్దని. అది జరిగినా చాలనే తమ లేట్ పిర్యాదుల ఉద్దేశ్యం అంటున్నారు.

    అసలు ఆ ఒక్క న్యాయ మూర్తే కాదు ఏ పురుష గురువులు , తమ స్త్రీ విద్యార్దినులతో ఏకాంతం గా కలిసే ఉండే విదానమే తప్పు అనే ఒక నిబందన ఉంటే ఇంత అవమానం ఆ గురువు కు కానీ, ఆ విద్యార్దినులకు కానీ జరిగి ఉండేది కాదుగా?   కానీ అలాంటి విదానం ఉండటానికి మనలోని అబ్యుదయ బావనలు ఒప్పుకోవు. ఆరోపణలు రుజువు కాకుండానే ఒక వ్యక్తిని నానా యాగీ చేసి పరువు తీయడానికి  మాత్రం అబ్యుదయం అడ్డు  రాదు.రేటింగ్ ల కోసం వెంపర లాడుతున్న మీడియా ఉన్న ఈ  కాలం లో అది అసాద్యం కూడా   స్త్రీ పురుషులు బహిరంగంగా  ముద్దు పెట్టుకోవడం   కామన్ అనే ప్రాశ్చ్యాత బావనలు మనం అంగీకరించనపుడు ,పరాయి  స్త్రీ పురుషులు ఏకాంతంగా   కలిసి ఉండడాన్ని మాత్రం ఎందుకు వ్యక్తీ  స్వేచ్చలో బాగంగా పరిగణించాలి? పురుషుని లోని "మగబుద్ది " ని కంట్రోల్ చేసే మన సాంప్రదాయ బావాల  లో బాగంగా మన చట్టాలు ఏర్పడి ఉంటే మనకు ఇటువంటి అవస్తలు ఉండేవి కావనుకుంటా? విదేశి బావ ప్రబావితం  తో ఏర్పరుచుకున్న చట్టాలు కాబట్టి , తప్పు చేసినా చేయక పోయనా శిక్ష మాత్రం అనుభవించి తీర వలసిందే.
   
 ఏది ఏమైనా ఒకటి మాత్రం నిజం. ఈ  దేశం లో సంచలన రేకెత్తించే మాటలకు ఉన్న విలువ మానాభిమానాలకు  లేవు . తప్పు చేసినా , చేయకున్నా , సాక్ష్యాదారాలు ఉన్నా లేకున్నా పరువు పోవడం కాయం అనే సందర్భం లో ఎవరైనా ఏమి ఆలోచిస్తారు? దొంగా , దొరా ఒకటే గాటన కట్టబడుతుంటే  ఈ  దేశం లోని న్యాయ ప్రక్రియలకు ఉన్న విలువ ఏమిటి?పరువు నష్టం కేసులు పెట్టాలనుకున్న , అది తమ జీవిత కాలంలో తేలతాయన్న గ్యారంటీ లేని దాని గురించి ఎవరు ఆలోచిస్తారు? ఇప్పటికే 498 A  కేసులు నోటికి 95% తప్పుడు కేసులే అని రుజువైనా , ఆ చట్టం గురించి కానీ , ఆ తప్పుడు ఆరోపణల మీద కానీ చర్యలు తీసుకునే దమ్మూ , దైర్యం ఎవరికీ లేవు. చివరకు పురుషులు ఆత్మహత్యలు చేసుకుంటున్నా జాలిపడటం తప్ప ఏమి చేయ లేక పోతున్న్నారు. చివరకు ఇవి ఇలాగే కోన సాగితే ఈ  దేశం లో స్త్రీ పురుష మద్య సంబందాలు అనారోగ్యకరంగా తయారు అవుతాయి. కాబట్టి తప్పుడు పనులు చేసే వారినే కాదు, తప్పుడు ఆరోపణలు చేసే వారిని సైతం కఠినంగా శిక్షించే చట్టాలు  చేస్తే తప్పా , "సత్యమేవ జయతే" అన్న భారత నినాదం కు అర్దం ఉండదు.    

                                                              (16/11/2013 Post Republished).